En Castro de Rei de Lemos, o poboado de “Mosteirovello” fala dun mosteiro de hai máis de mil anos. Queda lembranza do posterior mosteiro (S. XII), na igrexa, hoxe parroquial. Ábside románica. Dependeu de Carracedo e Montederramo. Sufríu un incendio en 1936, sendo posteriormente restaurado.

En Cereixedo, Capela das Neves. Retablo maior, barroco, dos séculos XVII-XVIII. En Feás, Capela de san Roque; Capela de San José, en Paredes de Abaixo; Capela da Inmaculada, en San Martín. Abundan os nomes de “medorra” e “mámoa”.

MOSTEIRO DE STA MARÍA DE CASTRO DE REI

Foi mosteiro Bernardo e antes mosteiro de monxes negros. Da igrexa primitiva só se conserva a ábsida da epístola, parte dos muros e outros restos. No seu interior hai restos de pinturas do século XV e comezos do XVI e un interesante capitel prerrománico. O nome do poboado “Mosteirovello” alude ó primitivo emprazamento monacal dos séculos X e XI. Posúe Santa María de Castro de Rei, na súa cruz parroquial, unha valiosa xoia, dun metro de lonxitude, de prata repuxada con ampla macolla. Data de 1730.