30 MULLERES DE PARADELA NA SESIÓN INAUGURAL DO CINCUENTENARIO DO BELÉN DE BEGONTE

Trinta membros da ASOCIACIÓN DE MULLERES DE PARADELA, desprazaranse este venres a Begonte para participar nos actos de inauguración do Cincuentenario do Belén de Begonte, que estarán presididos por Alfonso Rueda Valenzuela, presidente da Xunta de Galicia.

Este desprazamento enmárcase dentro das actividades extraordinarias desenvolvidas en Paradela con motivo do Bicentenario da institución municipal, que se ven celebrando desde o pasado mes de xullo.

A presidenta da asociación paradelense, Rocío Domínguez, entregará ao Presidente da Xunta, no nome do Alcalde, José Manuel Mato, o agasallo institucional do Concello alusivo ao Bicentenario.

Acudirá asimesmo a Begonte para visitar o Belén electrónico, o próximo dezaseis de decembro, o alumnado do Ceip San Miguel de Paradela, acompañado polo seu profesorado.